चैत ३, रामेछाप । रामेछाप जिल्लाको मन्थली नगरपालिकाले अपाङ्गता भएका व्यक्तिको सिप क्षेमताको विकास गरी आत्मनिर्भर बनाउने उद्येश्यले १५ दिने कुसन तथा खेलौना बनाउने तालिम प्रदान गरेको छ ।
गत फागुन १७ गते बाट १५ दिनसम्म सञ्चालन भएको स्वरोजगार मूलक तालिममा नगरपालिका भित्रका ११ जना अपाङ्गता भएका व्यक्तिले सहभागिता जनाएको मन्थली नगरपालिकाले जनाएको छ ।
तालिममा सहभागि अपाङ्गता भएका व्यक्तिहरुको माग र ईच्छा शक्तिका आधारमा पुर्नताजगिय तालिम र ब्यवसायीकताका लागि नगरपालिकाले सकेको आर्थिक सहयोग पनि गर्ने मन्थली नगरपालिका प्रमुख रमेश कुमार बस्नेतले बताए ।
नगरपालिकाले आवासिय रुपमा सञ्चालन गरिएको तालिमका लागि दुईजना प्रशिक्षकको ब्यवस्था गरेको थियो । उक्त तालिममा बजारमा चलेका चार प्रकारका खेलौनाहरु बनाउन सिकाईएको थियो ।
१५ दिने तालिमबाट धेरै कुराको ज्ञान भएको भन्दै सहभागिहरु उत्साहित भएका छन् ।
मंगलवार ३ चैत्र, २०७७
