भदाै ४ रामेछाप , रामेछापको लिखु तामाकोशी गाउँपालिका–७ तिल्पुङस्थित हल्देबजार नजिकैकाे मन्थली- खिम्ती सडक भासिएपछि सवारी आवतजावतमा प्रभावित भएकाे छ ।
मन्थली - खिम्ती आवतजावत गर्ने मुख्य सडक तिल्पुङकाे हल्देबजारमा करिव २० मिटर सडक भासिएर आज बिहानैदेखि सवारी आवतजावतमा अवरुद्घ हुदा लिखु तामाकोशी, गोकुलगंगा गाउँपालिका , उमाकुण्ड गाउँपालिका र दाेलखा बाट राजधानीतर्फ गएका यात्रुबाहक सबहरू बिचमै राेकिएकाे छ ।
बिहानै देखि अटो र मोटरसाइकल मात्र आवत–जावत गर्न दिएर ठुला सवारी साधन सबै रोकी सडक मर्मत गर्ने काम भइरहेकाे र केही घण्टामै यातायात सञ्चालनमा आउने अपेक्षा गरिएको जिल्ला प्रहरी कार्यालय रामेछापका प्रहरी निरीक्षक कौशल न्यौपानेले जानकारी गराउनु भयाे ।
तामाकोशी नदीले कटान गर्दा सडक भासिएको हो गत वर्ष पनि सोही स्थानमा लेदो पसेर सडक बिग्रिएपछि जालीसहितको वाल उठाएर मर्मत गरिएको थियो ।
बुधबार ४ भाद्र, २०८२
