माघ २१, काठमाडौं । मन्थली नगरपालिका–७ र खाँडादेवी गाउँपालिका–४ को तामाकोसी नदीमा रामेछाप जिल्लाको हालसम्मकै लामो पक्की पुल निर्माण हुनेभएको छ ।
उक्त पुलको लम्बाई २ सय ३० मिटर रहेको सडक विभाग अन्तर्गतको पुल महाशाखाले बताएको छ ।
पुल निर्माणको कामको लागि ठेक्का सम्झौता समेत गरिसकेको पुल महाशाखाका एक इन्जिनियरले बताए । उनका अनुसार २८ करोड ८३ लाख ११ हजार ७ सय रुपैयाँमा पुल निर्माण हुन लागेको हो । कालिकारकल्पवृक्ष जेभीले निर्माणको जिम्मा पाएको छ । पुलको डिजाइन गरेकै कम्पनीले पुल निर्माण गर्न लागेको हो ।
आगामी तीन बर्षभित्रमा पुल निर्माण सम्पन्न हुने पुल महाशाखाले बताएको छ । सदरमुकाम मन्थलीबाट रामेछाप जिल्लाको तीन गाउँपालिका जोडने उक्त पुल निर्माण भएपछि निकै सजिलो हुनेछ ।
बुधबार २१ माघ, २०७७
