फागुन २०
अपराधजन्य घटना न्यूनिकरणको लागि जिल्ला प्रहरी कार्यालय रामेछापले समुदाय प्रहरी साझेदारी कार्यक्रम अन्र्तगत मन्थली माविमा अध्ययनरत विद्यार्थीहरुका लागि एक दिने अन्तरक्रिया कार्यक्रमको आयोजना गरेको छ ।
अपराधिक घटना न्यूनिकरणमा विद्यार्थीको महत्वपूर्ण भूमिका हुने भएकाले विद्यार्थीहरुलाई समाजमा भइरहेका घटना र त्यस्ता घटनालाई न्यूनिकरण गर्ने उपाय सहित एक दिने अन्तरक्रिया कार्यक्रमको आयोजना गरिएको हो ।
कार्यक्रममा अपराध नियन्त्रणमा विद्यार्थीहरुको भूमिका कस्तो हुने, खराब संगतबाट कसरी जोगिने, समाजमा कस्ता घटना भइरहेका छन् लगायतका विषयमा प्रहरी प्रमुख प्रहरी नायव उपरिक्षक नवराज ढुंगनाले जानकारी गराएका छन् । समाजमा हुने विभिन्न अपराध न्यूनिकरणमा विद्यार्थीहरुको भूमिका महत्वपूर्ण हुने भएकाले उनिहरुलाई यसबारेमा जानकारी गराईएको प्रहरी प्रमुख ढुंगनाले बताए ।
अन्तरक्रिया कार्यक्रममा ४२ जना विद्यार्थीहरुको सहभागिता रहेको छ । कोरोना भाइरसका कारण रोकिएको समुदाय प्रहरी साझेदारी कार्यक्रम अब नियमित संचालन गरिने प्रनाउ ढुंगनाले जनकारी दिएका छन् ।
बिहीबार २० फाल्गुन, २०७७
