वैशाख २७, रामेछाप । कोरोना संक्रमितको संख्या रामेछाप जिल्लाभित्र बढदै गएपछि जिल्ला प्रशासन कार्यालय रामेछापले जारी लकडाउन पुनः एक साता थप गर्ने निणर्य गरेको छ ।
आइतबार बसेको जिल्ला स्तरीय कोभिड-१९ संकट व्यवस्थापन केन्द्र (डिसीसीएमसी)ले जेठ ३ गतेसम्म लकडाउन थप्ने निणर्य गरेको हो ।
रामेछापका प्रमुख जिल्ला अधिकारी गौलोचन सैजूको अध्यक्षमा आइतबार बसेको बैठकले लकडाउन थप कडा बनाउने निणर्य गरेको छ । बैठकले जिल्लाभित्र अब पैदल यात्रा गर्न समेत प्रतिबन्ध लगाउने निणर्य गरेको छ ।
अन्यत्र जिल्लाबाट जिल्लभित्र पैदल प्रवेश गर्नेहरुले पनि वडा कार्यालयको सिफारिसमा मात्र जिल्ला प्रवेश गर्न पाउने जिप्रकाद्धारा जारी गरिएको सूचनामा उल्लेख गरिएको छ ।
सोमबार २७ बैशाख, २०७८
