जेठ २०, काठमाडौं । कोरोना संक्रमणको कारण रामेछापमा थप एक जनाको मृत्यु भएको छ ।
आज उपचारको क्रममा दोरम्बा सैलुङ गाउँपालिका-५ रजमनटार निवासी राम बहादुर श्रेष्ठको कोरोना संक्रमणको कारण निधन भएको हो । श्रेष्ठको स्वास्थ्यमा समस्या आएपछि चार दिन अघि दोरम्बा प्राथमिक अस्पतालमा लगिएको थियो ।
तर उनको अक्सिजनको मात्र निकै कमी भएको कारण थप उपचारको लागि दोरम्बा अस्पतालले धुलिखेल अस्पतालमा रिफर गरेको थियो ।
त्यसपछि धुलिखेल अस्पतालमा उपचारको क्रममा श्रेष्ठको निधन भएको दोरम्बा गाउँपालिका स्वास्थ्य शाखाका प्रमुख कमल भट्टराईले बताए । श्रेष्ठ दोरम्बा गाउँपालिकाका कम्युनिष्ट आन्दोलनको अगुवा समेत रहेका थिए ।
बिहीबार २० जेष्ठ, २०७८
