असार ७, रामेछाप । सोमबार रामेछापमा कोरोनामुक्त हुनेको सङ्ख्या ४५ पुगेसँगै २२ जना नयाँ सङ्क्रमित थपिएका छन् ।
जिल्लामा कोरोना सङ्क्रमणमुक्त हुनेको सङ्ख्या एक हजार ७७६ जना पुगेको छ । सोमबार रामेछाप नगरपालिकाबाट १९ जना, सुनापति गाउँपालिकाबाट ९ जना, गोकुलगंगा गाउँपालिकाबाट ६ जना, खाँडादेवी गाउँपालिकाबाट ५ जना, तामाकोशी अस्पतालबाट ४ जना, जिल्ला अस्पताल रामेछापबाट एक जना, लिखुतामाकोशी गाउँपालिकाबाट एक जना कोरोनामुक्त भएको स्वास्थ्य कार्यालय रामेछापले जनाएको छ ।
त्यसैगरी सोमबार जिल्लामा २२ जना कोरोना सङ्क्रमित थपिएका मध्ये जिल्ला अस्पतालमा ९ जना, उमाकुण्ड गाउँपालिकामा ५ जना, गोकुलगंगा गाउँपालिकामा ५ जना, खाँडादेवी गाउँपालिकामा एक जना, र तामाकोशी अस्पतालमा दुई जनाको एन्टिजेन रिपोर्ट पनि पोजेटिभ आएको स्वास्थ्य कार्यालय रामेछापले जनाएको छ ।
योसँगै जिल्लामा कोरोना सङ्क्रमण पुष्टि हुनेको सङ्ख्या एक हजार ९४९ जना पुगेको छ । स्वास्थ्य कार्यालयका अनुसार जिल्लामा अहिले १५६ जना कोरोनाका संक्रिय संक्रमित छन् । स्वास्थ्य कार्यालयका अनुसार अहिलेसम्म जिल्लामा कोरोना सङ्क्रमणबाट १७ जनाको ज्यान गएको छ भने २१ जनालाई थप उपचारका लागि रिफर गरिएको छ ।
सोमबार ७ असार, २०७८
