जेष्ठ २७ काठमाडौं, रामेछापको मन्थली नगरपालिका–२ नं वडा कार्यालयले वडाका सबै ज्येष्ठ नागरिकलाई सम्मान गरेको छ ।
वडा कार्यालयमा हिजो आयोजित एक कार्यक्रममा वडाका ७५ वर्ष माथिका १ सय ७ जना ज्येष्ठ नागरिकलाई सम्मान गरिएको वडाध्यक्ष सुरेन्द्र कार्कीले बताएका छन् । दोसल्ला सहित इलेक्ट्रिक जग दिएर मन्थली नगरपालिकाका प्रमुख लब श्रेष्ठ तथा वडाध्यक्ष सुरेन्द्र कार्कीले सम्मानित गरेका हुन् ।
उक्र कार्यक्रममा ज्येष्ठ नागरिकलाई सम्मान गर्दै मन्थली नगरपालिकाका प्रमुख लब श्रेष्ठले गाउँको विकासको लागि जसले जहाँ जहाँबाट जिते पनि एक ठाउँमा आएर काम गर्ने बताए ।
ज्येष्ठ नागरिकको काम वडाले उहाँहरूका प्रतिनिधि वा जनप्रतिनिधि मार्फत आफैँ घरमा गएर गरिदिने कार्कीले बताए ।
शुक्रबार २७ जेष्ठ, २०७९
