फागुन २१ रामेछाप, यहि २७ गते हुन लागेको रामेछाप उद्योग वाणिज्य संघको निर्वाचनका लागि नेकपा (एमाले) रामेछापले आफ्नो पार्टीमा आस्था राख्ने उम्मेदवारलाई सार्वजनिक गरेको छ ।
हिजो जिल्ला सदरमुकाम मन्थलीमा एक कार्यक्रम आयोजना गरी एमालेले समर्थक नवराज ढुङ्गेल नेतृत्वको टिम सार्वजनिक गरेको हो । कार्यक्रममा सुझबुझ राख्ने युवाको परिपक्व टिम भएकोले रामेछापको उद्योग वाणिज्य क्षेत्रमा आसलाग्दो अवस्था सिर्जन भएको एमाले वाग्मती प्रदेश कमिटी सचिवालय सदस्य शान्तिप्रसाद पौडेलले बताए ।
नेकपा एमाले रामेछापका अध्यक्ष एवं बाग्मती प्रदेश सभा सदस्य आनन्द श्रेष्ठले आर्थिक क्षेत्रमा देखिएको समस्यासँग लड्न र व्यवस्थापन गर्न सक्ने टिम एमाले समर्थक व्यवसायीहरूले तयार गरेको बताएका छन् ।
एमाले समर्थक टिमबाट अध्यक्षमा नवराज ढुङ्गेलको उम्मेदवारी परेको छ भने वरिष्ठ उपाध्यक्षमा सुमिका श्रेष्ठ, वाणिज्य उपाध्यक्षमा रामहरि उप्रेती, उद्योग उपाध्यक्षमा चन्द्र मानन्धर, महासचिवमा सुरेश उदास, सचिवमा राजु थापा, कोषाध्यक्षमा सरोज तामाङले उम्मेदवारी दिएका छ । यस्तै आजीवन सदस्यबाट किशोर पौडेल, महिला सदस्यमा लक्ष्मी श्रेष्ठ, खुला सदस्यमा सन्तोष कठवनीया, रवीन्द्र श्रेष्ठ, कृष्ण गहतराज, रुद्रकुमार श्रेष्ठ र देवचन्द्र कठायतले उम्मेदवारी दिए ।
आईतवार २१ फाल्गुन, २०७९
