साउन १५ रामेछाप ,रामेछाप–साँघुटार सडकको काम निर्माण व्यवसायीले अलपत्र पारेपछि मन्थली नगरपालिका -६ सेलेघाट देखि रामेछाप बजार हुदै रामेछाप नगरपालिका -३ साँघुटार सम्म करिब ५० किलोमिटर सडकमा गुड्ने यात्री र यातायात साधनले सास्ती खेप्नु परेको छ ।
हिउँदको सयमा धुलो र वर्षातको समयमा सडक हिलाम्मे हुँदा रामेछाप र ओखलढुङ्गाको लिखु गाउँपालिका बाट काठमाडौं आउजाउ गर्ने यातायात साधन जोखिममा परेका छ, सेलेघाट - साँघुटार सडक निर्माणको जिम्मा पाँच वर्ष अघि भारतीय निर्माण कम्पनी टेलिकम्युनिकेसन इन्डिया लिमिटेड (टीसीआईएल)ले पाएको थियाे ,सो कम्पनीले नेपाली निर्माण व्यवसायीलाई काम जिम्मा दिएको छ ।
सन् २०२० को नोभेम्बर ११ मा सुरु भएको आयोजना २०२३ को मे १० भित्र कूल १ अर्ब ९४ करोड ७१ लाख रुपैयाँमा सक्नुपर्ने गरी सम्झौता भएको थियो । निर्धारित समयमा काम सम्पन्न नभएपछि निर्माण कम्पनीले बारम्बार म्याद थप्दै लगेको छ ।
काठमाडौं बाट रामेछापको सालु, देउराली, साँघुटार,ओखलढुंगाको लिखु, घोराखोरी लगायतका क्षेत्रमा जाने आउने यातायातका साधानहरू यही सडक भएर जानेआउने गर्दछ,बर्षातकाे समयमा बाटो हिलो र चिप्लो भएको कारण सालुदेखि साँघुटारसम्म यात्रा गर्ने घण्टाैंलाग्ने यात्रा गर्दा निकै सास्ती खेप्नु परेको स्थानीयहरूकाे गुनासाे आहिरहेकाे छ ।
बिहीबार १६ श्रावण, २०८२
