फागुन ७, रामेछाप । शुक्रबार बिहान रामेछापको मन्थली नगरपालिका वडा नं ५ मच्छेडाँडीमा यात्रुवाहक बस दुर्घटना भएको छ ।
बा ५ ख २८५७ नं. को यात्रुवाहक बस सालुबाट मन्थली तर्फ आउँदै गर्दा दुर्घटनामा परी ९ जना घाइते भएका छन् । घाइते सबैको उद्दार भएर तामाकोशी अस्पतालमा उपचार भइरहेको रामेछापका ट्राफिक प्रमुख रामेश्वर पाण्डेले जानकारी दिए ।
प्रहरीले बताए अनुसार मन्थलीमा संचालन हुन लागेको राष्ट्रपति रनिङ सिल्ड प्रतियोगितामा सहभागिताको लागी खेलाडी सहित विद्यार्थी लिएर आएको बस द्रुत गतिका कारण दुर्घटना भएको हो ।
प्रहरीले बस चालकलाई नियन्त्रणमा लिएर दुर्घटनाको थप अनुसन्धान गरिरहेको बताएको छ ।
शुक्रबार ७ फाल्गुन, २०७७
