मंसिर २९, रामेछाप । प्रमुख प्रतिपक्ष दल नेपाली कांग्रेस रामेछापले सदरमुकाम मन्थलीमा सरकारको विरुद्ध सिठ्ठी जुलुस निकालेको छ । विपी चोकबाट सुरुभएको सिठ्ठी जुलुसले मन्थली बजार परिक्रमा गरी देवकोटा चोकमा आएर कोणसभा परिणत भएको छ ।
रामेछाप कांग्रेसका सभापति लवश्री न्यौपानेले कोणसभालाई सम्बोधन गर्दै नेकपाको सरकार अधिनायकवादतर्फ उन्मुख हुँदै गएको आरोप लगाएका छन् । तनहुँमा कांग्रेसका वरिष्ठ नेता रामचन्द्र पौडेललाई केही साता अघि प्रहरीले गिरफ्तार गरेको विरोधमा कांग्रेसले देशभर प्रदर्शनको कार्यक्रम घोषणा गरेको छ ।
सोमबार २९ मंसिर, २०७७
