असोज १८, रामेछाप । नेपाली कांग्रेस रामेछाप जिल्लाको सभापतिमा पूर्ण बहादुर तामाङ (कान्छाराम) निर्वाचित भएका छन् ।
जिल्ला सभापतिका लागि तीन जना उम्मेदवार रहेकोमा पहिलो चरणमा कसैले पनि बहुमत नल्याएपछि आज दोस्रो चरणको चुनावको तयारी थियो ।
तर पहिलो चरणमा सबैभन्दा बढि मत ल्याएका कान्छाराम तामाङलाई दोस्रो बढि मत पाएका लबश्री न्यौपानेले समर्थन गरेका हुन् ।
दोस्रो चरणमा पहिलो र दोस्रो हुनेबीच निर्वाचन हुने पार्टी विधानको व्यवस्था रहेको छ । दोस्रो मत पाएका न्यौपानेले समर्थन गरेपछि तामाङ सर्वसम्मत सभापति निर्वाचित भएका हुन् ।
तामाङ पार्टी संस्थापन समूह निकट हुन् । तामाङ प्रतिनिधिसभा निर्वाचनमा उम्मेदवार थिए।
सोमबार १८ आश्विन, २०७८
