असार १, रामेछाप । रामेछापको आठ स्थानीय तहमा गरी २३ सय ८ डोज खोप वितरण गरिएको मध्ये २ हजार ४७ जनाले खोप लगाएका छन् ।
स्वास्थ्य कार्यालय रामेछापका जनस्वास्थ्य अधिृकत भुवन थापाका अनुसार मन्थली नगरपालिकामा ७ सय ३७, रामेछाप नगरपालिकामा ४ सय ५३, खाँडादेवी गाउँपालिकामा २ सय ९० जना, उमाकुण्ड गाउँपालिकामा १ सय ६४, सुनापति गाउँपालिकामा १ सय ५०, लिखु तामाकोसी गाउँपालिकामा १ सय ३०, दोरम्बा गाउँपालिकामा ७२, गोकुलगंगा गाउँपालिकामा ५१ जनाले खोप लगाएका छन् ।
स्थानीय तहले लगाउन बाँकी रहेको खोप फिर्ता ल्याउने जनस्वास्थ्य अधिकृत थापाले बताए । जेठ २५ गतेदेखि २९ गतेसम्म खोप लगाउने समय निर्धारण गरिएको थियो । जसर्थ रामेछापको आठ वटै स्थानीय तहमा सञ्चालन गरिएको यस चरणको खोप अभियान सम्पन्न भएको उनले बताए ।
यसअघि स्वास्थ्य कार्यालय रामेछापले मन्थली नगरपालिकाको लागि ७ सय ५० डोज, रामेछाप नगरपालिकाको लागि ४ सय ५१ डोज खोप उपलब्ध गराएको बताएको छ । त्यसैगरी गोकुलगंगा गाउँपालिकाको लागि २ सय उमाकुण्ड गाउँपालिकाको लागि २ सय, लिखु तामाकोसी गाउँपालिकाको लागि १ सय ३०, खाँडादेवी गाउँपालिकाको लागि ३ सय, दोरम्बा गाउँपालिकाको लागि १ सय २४ र सुनापति गाउँपालिकाको लागि १ सय ५० डोज खोप पठाइएको थियो ।
मंगलवार १ असार, २०७८
