वक्तृत्वकला प्रतियोगितामा कालिकादेवी माविका छात्र प्रथम

भदौ २९, रामेछाप ।आज रामेछाप नगरपालिकामा माध्यमिक विद्यालय स्तरीय वक्तृत्वकला प्रतियोगिताको आयोजना गरी बाल दिवस मनाइएको छ । ५७ औं राष्ट्रिय बाल दिवसको अवसरमा बालबालिकालाई कोरोनाले पारेको प्रभाव शिर्षकमा वक्तृत्वकला प्रतियोगिता सन्चालन गरिएको थियो । 

८ वटा माध्यमिक विद्यालयका विद्यार्थीहरु वक्तृत्वकला सहभागीता जनाएको प्रतियोगितामा कालिकादेवी मावि देउरालीका छात्र आयुष रोका प्रथम हुन सफल भएका छन् । उनले प्रतियोगितामा प्रथम हुँदै नगद ५ हजार रुपैयाँ पुरस्कार प्राप्त गरेका छन् ।

यसैगरी प्रतियोगितामा गौरीशंकर माविका छात्रा जयन्ती महतारा द्धितिय हुँदै नगद ४ हजार रुपैयाँ पुरस्कार प्राप्त गर्न सफल भएकी छन् । यसैगरी प्रतियोगितामा भंगेरी माविका छात्रा रेश्मा शाही तृतिय हुँदै नगद ३ हजार रुपैयाँ पुरस्कार प्राप्त गरेकि छन् भने जनकल्याण माविकी छात्रा मुना श्रेष्ठ सान्त्वना हुँदै नगद २ हजार प्राप्त गर्न सफल भएकी छन ।

रामेछाप नगरपालिकाको आयोजना र वातावरण संरक्षण परियोजनाको सहकार्यमा नगरपालिकाको सभाहलमा वक्तृत्वकला प्रतियोगिताको आयोजना गरिएको थियो । प्रतियोगितामा विजय तथा सहभागी विद्यालयका विद्यार्थीहरु्लाई रामेछाप नगरपालिका प्रमुख प्रशासकिय अधिकृत रामचन्द्र लामगादे लगायतका अतिथिहरुले पुरस्कार तथा प्रमाण पत्र प्रदान गरेका थिए ।

‘सामान्य अवस्था वा कोभिड महामारी ः बालअधिकारको संरक्षण हामी सबैको जिम्मेवारी’ भन्ने नाराका साथ रामेछपमा पनि विभिन्न कार्यक्रम गरी ५७ औं राष्ट्रिय बाल दिवस मनाइएको हो ।

जिल्लाको ८ वडा स्थानिय तहहरुले विभिन्न कार्यक्रमको आयोजना गरी दिवस मनाएका छन । यसैगरी जिल्लाका विभिन्न विद्याययहरुले पनि विभिन्न कार्यक्रम गरी दिवस मनाएको जानकारी दिएका छन ।