मंसिर २८, रामेछाप । नेकपा एमाले सुकाजाेर-काठमाडौं सम्पर्क मञ्चको अध्यक्ष सन्जिव आलेर मगरकाे पहलमा सुकाजोरका मिर्गौला पीडित ढाल ब. मगरलाई आर्थिक सहयोग प्रदान गरिएको छ ।
कतारमा रहेका सुकाजोरकै उद्धव मगर र निर ब सिन्जाली मगरको सक्रियतामा त्यहाँ कार्यरत नेपाली कामदारहरुबाट उठाइएको सहयोग रकम पीडित मगरको परिवारलाई हस्तान्तरण गरिएको हो ।
नगद १ लाख १३ हजार रुपैयाँ मिर्गौला पीडित मगरकी आमा मनमायाँ मगरलाई उहाँको घरमै पुगेर हस्तान्तरण गरिएको हो । वडा नं ७ का वडाअध्यक्ष समिर कार्की र सन्जिव आले मगरले उक्त रकम संयुक्त रुपमा हस्तान्तरण गर्नुभएको हो ।
विगत १० महिनादेखि दुबै मिर्गौला फेल भएका मगरलाई उपचारमा सहयोग पुगोस् भनेर सहयोगका लागि पहल गर्ने र थप रकम संकलन गर्ने क्रम जारी रहेको सन्जिव आले मगरले बताउनुभयो ।
मंगलवार २८ मंसिर, २०७८
