भदौ ३० काठमाडौं, ट्रक दुर्घटनामा परी गम्भीर घाइते भएका रामेछापको दोरम्बा शैलुङ गाउँपालिका–३ का ध्रुव पाठकको उपचारको लागि नेकपा (एमाले) नेता रत्न गौतमले थप आर्थिक सहयोग गरेका छन् ।
पाठकको उपचार भइरहेको ट्रमा सेन्टरमा पुगेर गौतमले थप ५० हजार रुपैँया आर्थिक सहयोग गरेका हुन् । पाठकको गोडाको अप्रेसनको लागि गौतमले सो सहयोग गरेको बताए । यस अघि पनि गौतमले पाठकको उपचारका लागि ५० हजार रुपैँया आर्थिक सहयोग गरिसकेका थिए ।
सो दुर्घटनामा चार जना घाइते भएका थिए । घाइते मध्ये अन्य उपचार पछि डिस्चार्ज भएका छन् भने पाठकको उपचार जारी छ । पाठको सरिरका विभिन्न भागमा बाहिरी चोट लाग्नुका साथै तिघ्राको हड्डीका साथै करङ पनि भाँचिएको छ ।
शनिबार ३० भाद्र, २०८०
